Heb 5 | ENQ | STEP | Pitisa mupa kalyamino dupa pitaka endakali. Goteme endakali dupanya mende yapao nyepala dokome pitisa joo endakali dupa nisoo baanya kalai pyakao katena lenge. Dopa lelyamopa baame opale epe dupa Gote maiyuapi, dee koo dupa kunina lao kundi maiyuapi pyoo katenge.

a5:1Ip 8:1

b5:2Ip 4:15

c5:3Lep 9:7, 16:6

d5:4Eke 28:1; Jo 3:27

e5:5Wee 2:7; Ip 1:5

f5:6Wee 110:4; Ip 6:20, 7:1,17

g5:7Mt 26:36-46; Mk 14:32-42; Lu 22:39-46; Jo 12:27; Ip 4:15

h5:8Pl 2:6-8

i5:9Jo 17:19; Lo 1:5; Ip 2:10, 7:28

j5:10Wee 110:4; Ip 5:6, 6:20

k5:11-131 Ko 3:1-3

l5:121 Pi 2:2

m5:14Lo 16:19; 1 Ko 2:6; Pl 1:10; Kl 3:10

Hebrews 5

Pitisa Mupa Jisasame naima etete kapa pao pyoo nyepengena leamo doko

1 Pitisa ^a mupa kalyamino dupa pitaka endakali. Goteme endakali dupanya mende yapao nyepala dokome pitisa joo endakali dupa nisoo baanya kalai pyakao katena lenge. Dopa lelyamopa baame opale epe dupa Gote maiyuapi, dee koo dupa kunina lao kundi maiyuapi pyoo katenge. 2 Baa ^b apata tambo lapae joo katenge dokonya baame masala naenge endakali dupapi kaita angi doko yakinatala waka mendenya-kaita penge dupapi dupa kandao kapa pao wanawana lao katapenge. 3 Dee ^c baa tambo lapae joo katenge dokonya baame endakali dupanya koo dupa kunina lao kundi maingimali pyoo baame baa tangenya koo dupa kunina lao kundi maipengeaka.

4 Pitisa ^d mupa joo katenge kenge singi kalai doko akali mendaipi mendeme baa tangeme nyala naenge. Daa, wamba Goteme akali Etone epena latala kalai doko maiyamoli pyoo baame akali dupa maingi. 5 Mendai ^e dopaka pyoo Kataisame apata baa tange lalyoo pitisa kalai kenge singi doko nyala naya. Daa, Goteme baa lamaiyoo,

“Indupa nambame emba mandipilyona,
emba nambanya Ikiningina,” lea-pyaa.
6 Dee ^f baame baanya pii pepa pyapae singi dokonya mendasa apata lao pituu,

“Emba Melekisendeke kateamo kombe dokonya pitisa katawaka katatena,” lea-pyaa.
7 Kataisa ^g isa yuu angenya endakali joo katao pituu baa kumatamo dokonya pyoo nyepenge Gote doko lao loma soo tee lao yako lao ee lao katea. Baame Gote andanda semaiyoo kateamo dokonya Goteme baanya loma siamo dupa sia. 8 Baa ^h Gotenya Ikiningiaka doko, tanda neamo dokome pii watao miningi mana doko nyia. 9 Dopa ⁱ piamo dokonya-kaita Goteme baa Pyoo Nyingi Akali angi injisiamopa, baa watao paenge endakali dupa pitaka pyoo nyepae etete katapenge dokonya baa tenge jia. 10 Dee ^j Goteme baa Melekisendeke kateamo kombe dokonya pitisa mupa katena leaka.

Naima wane ŋaŋa joo nakatamana

11 Dokonya ^k nambame nyakama pii longo mendapu langipenge silyamoaka doko, nyakama kale kembau jetala yapa nyala naelyamino dokonya nambame lekeleke tao tenge lopalyoo langipenge jilyamo. 12 Gii ^l longo patelyamona, nyakama mana lamaingi akali joo katamili. Dopaka doko, endakali mendeme nyakama Gotenya pii etete tee pyao lamaingi dupa deaka mana langipenge jilyamo. Nyakama nee kyoto nanenya andu napenge joo kalyamino. 13 Andu nenge endakali dupa pitakame mana tolatae miningi dokonya lao pii doko auu pyoo masala naengema. Doko, dupa wane ŋaŋa joo kalyamino. 14 Dopaka ^m doko, nee kyoto doko endakali angi dupanya. Endakali dopale dupanya masingi doko mana latae dokomena, dupame mana koo epepi dupa kapa pao yapengema.